اعترافات فتاه ليل تائبه

انا كوثر عندى ١٩ سنه .فتاه ليل   ..واسم الشهره ( كيتى ) 

..انا ضيعت نفسى ومستقبلى علشان كنت جهله وغبيه ...لكن الاكتر من كده العذاب النفسى اللى كنت بعيشه كل يوم ......
كنت بحسد البنات اللى بشوفهم فى الشارع  على كل حاجه عندهم ومش عندى ... على  وجود اهلهم جنبهم  والدفئ اللى هما  عيشين فيه ومش عرفين قمته... على احترام الناس ليهم ...على ثقتهم بنفسهم ...على احساسهم بالاطمئنان والامان ...على تعليمهم وثقافتهم ..على رضى ربنا عليهم اللى كنت بشوفه على وشهم ..على ضحكتهم اللى طلعه من قلبهم ....كنت بحسد الزوجه والام اللى شياله ابنها على كتفها ..علشان عارفه انى عمرى ما هكون ام وزوجه زى باقى البنات ...

لدرجه انى كنت بتمنى انى اعيش زيهم ولو يوم واحد ...
علشان كده كنت بنزل كل يوم الصبح بلبس محتشم وبدون مكياج وكنت بدخل الجامعه .. اى جامعه ..وانا ماسكه كتاب  علشان احس انى بنت محترمه وكنت بسمى نفسى اى اسم تانى واتصاحب على البنات اللى عمرهم ما كانو هيكلمونى او يبصوا فى وشى لو عرفوا حقيقتى وكنت ببقى فرحانه جدا ....لكن بليل كنت برجع تانى حشرة..
.منكرش انى فى الاول ...اول ما اشتغلت ....وعرفت سكه الفلوس السهله ...كنت فرحانه بالفلوس وبكترها ..لانى اتحرمت كتير زمان .ماانا عمرى ما كنت احلم انى امسك خمسين جنيه فى ايدى ..لكن دلوقتى بدعى ربنا انى اخرج من الوحل اللى وقعت فيه وربنا غفور رحيم 


انا خرجت من التعليم بعد تانيه اعدادى بعد وفاه والدى  بسبب ضيق الحال ....وكنت بخرج انا وامى نبيع مناديل علشان نصرف على اخويا المدمن اللى كان عاله علينا بدل ما يبقا عائل لينا 

وعلشان كده كنت صيده سهله ووقعت فى ايد مالا يرحم ....

بس اللى حصل لى بعد كده كان اشد  عقاب ممكن اتخيله 
..انتقام  ربنا ليه فى الدنيا ........


وهنا خلص الجزء الاول....استنونى مع الجزء التانى