اللى حصلى بعد كده كان اشد عقاب ممكن اتخيله ...وانتقام ربنا ليه فى الدنيا ...
فى يوم نزلت الصبح زى العاده ولبست محتشم وبدون مكياج طبعا .. ...واعدت فى كافيه ومسكت الكتاب اللى معايا وعملت نفسى بقرأ ...وكنت ببص لنظرات الناس اللى فيها اعجاب واحترام ليه... وانا فرحانه جدا من جوايا ...
واللى حصل بعد كده ...انى لاحظت ان فى شاب وسيم جدا مركز معايا جدا
وبعد شويه قرب منى وقالى تسمحيلى اعد
فى الاول خوفت يكون عرفنى وعرف حقيقتى ...او يكون من زبائن الليل ...لكن اتاكدت انه مش منهم ...لانه كان بيكلمنى بادب واحترام شديد
وكان حابب يتعرف عليه ...طبعا قولتله اسم تانى خالص وعشت فى الاحلام
سميت نفسى بسنت وقولتله انى فى كليه تجارة وعايشه مع ماما وبابا واخواتى ...
وهو كان اسمه وليد ..دكتور صيدلى وعايش مع والده ....
واتقابلنا كتير بعد كده وكانت اجمل ساعات عمرى قضتها وانا بسنت..... البنت الجامعيه اللى مش بتخرج الا بأذن ومش بتتأخر بره البيت
لغايت ما جاء اليوم اللى كسرنى وفوقنى من اجمل حلم ...
اليوم اللى طلب منى وليد انه يقابل ولدى علشان يخطبنى ......
وقالى جمله كل كلمه فيها كانت بتقطعنى من جوه ..قالى .(.انا لو لفيت الدنيا كلها مش هلاقى فى ادبك واخلاقك ...انتى اللى اتمنيتها تبقا ام لاولادى ...وعايز اقابل والدك علشان اشكره انه عرف يربى )....
كنت عايزه اصرخ واقوله كفايا انت مخدوع فيه ...لكن مقدرتش ...
وقالى جمله كل كلمه فيها كانت بتقطعنى من جوه ..قالى .(.انا لو لفيت الدنيا كلها مش هلاقى فى ادبك واخلاقك ...انتى اللى اتمنيتها تبقا ام لاولادى ...وعايز اقابل والدك علشان اشكره انه عرف يربى )....
كنت عايزه اصرخ واقوله كفايا انت مخدوع فيه ...لكن مقدرتش ...
و طبعا حاولت اتحجج بحاجات كتير جدا وهميه طبعا ...بالمذاكره والامتحانات ووووو....
فى الاول طبعا كان وليد بيصدق ..لكن لما الحكايه طولت والحجج كترت ...بدا يقلق ... ...وبدا يشك ان فى حد فى حياتى غيره وانى مش بحبه ...وبدأ اسألته تزيد ...
لغايت ما قررت اختفى من حياته وابعد وانسى بسنت ....وده احسن لى من انه يعرف حقيقتى والحلم يبقا كابوس ...
وده كان اصعب قرار فى حياتى ...لانى صدقت نفسى ...صدقت انى بسنت وانى ممكن احب واتحب ويبقا ليه بيت زى باقى البنات بس اكتشفت انه حلم و مستحيل يتحقق
...وفعلا بسنت اختفت من الوجود
وكوثر ( كيتى ) هى وبس اللى موجوده
انسانه محطمه بلا روح ....بلا مستقبل
حاولت ادور على شغله شريفة بعد كده لكن الدنيا كانت مقفله ابوابها فى وشى وخصوصا ان مش معايا شهادات ولا مؤهلات او خبره فى اى مجال ...علشان كده فضلت كيتى ...
و كان وليد طول فتره سنه ونص بعد ما اختفيت بلا مبرر ..بيحاول يدور عليه فى كل مكان ...
لغايت ما جاء اليوم اللى مفيش منه مفر ...لما كنت طلعه من الشغل بليل بلبس خليع زى كل ليله ...ولاقيت وليد واقف قدامى ..مزهول ومش مصدق نفسه ...والدموع مليه عنيه....
ومشى من غير ما يتكلم معايا ولا كلمه ...بس عنيه قالت كل الكلام اللى كان جواه ...وكانت كل نظره منه زى الخنجر بيقطع فيه
كنت عارفه ان اليوم ده هيجى وان ربنا لازم يعاقبنى فى الدنيا قبل الاخره ....
قررت بعدها ان زى ما بسنت ماتت لازم كيتى تموت .... .......
تعليقات
إرسال تعليق
اهلا بكم ونرجو ان نكون قد حوزنا على اعجابكم