الجزء التانى ...حكايات ستات .....
ومرت الايام وفى يوم كنت اعده مع ندا بنتكلم وكانت فريده مش موجوده يومها كانت فى زياره لوالدتها علشان كانت تعبانه وحسيت يومها ان ندا عايزه تحكيلى حاجه ......قولتلها مالك يا ندا هو خالد
لسه مزعلك قالتلى لا الموضوع اكبر من كده بكتير وكانت متردده وهى بتتكلم وبعدين قالتلى انا هحكيلك بس الكلام ده ميطلعش بره ولا حتى لفريده قولتلها طيب مدام دى رغبتكوبدات تحكى قالتلى وهى باصه فى الارض انا بحب يا يسرا بحب واحد تانى غير جوزى انا اتصدمت من كلامها قولتلها انت بتقولى ايه انت متجوزه وعندك اولاد ازاى تقولى الكلام ده انت اتجننتى.....
قالتلى غصب عنى انا وقعت فى غرامه ومش عارفه اعمل ايه .. حولت اعرف منها هو مين بس رفضت وقالتلى بعدين هتعرفي كل حاجه مينفعش اقولك دلوقتى
حاولت انصحها واوعيها بس قالتلى النصيحه متاخره اوى قولتها طب انت نويه على ايه قالتلى مش عارفه انا بس بكون مبسوطه وانا معاه ومش بفكر فى حاجه تانيه حسيت انها طايشه وعلشان هى يتيمه وملهاش حد مفيش حد بيوجهه
ومفيش حد بيفهمها الغلط من الصح صعبت عليه جدا ودعيتلها ربنا يهديها....
ومرت الايام وكانت كل يوم تيجى تحكيلى عن حبيبها وانها بتشوفه وتتكلم معاه وكانت بتبقا فرحانه اوى يوم ما تشوفه .. بس عمرها ماحكت عنه ادام فريده
فضل الموضوع ده سر بينى وبينها بس لحد ماجه اليوم اللى عرفت فيه مين حبيبها..... وكانت صدمه كبيره .......
تعليقات
إرسال تعليق
اهلا بكم ونرجو ان نكون قد حوزنا على اعجابكم