الجزء الرابع ...
واعدت ندا تعيط بحرقه وتحكى لى قصتها مع احمد قالتلى انا طول عمرى وحيده ويتيمه مشفتش اهتمام ولا حنيه من حد احمد اول انسان يهتم بيه هو الوحيد اللى حسسنى انى موجوده انى بنى ادمه حبيته وهو كمان بيحبنى انا معملتش حاجه غلط كل اللى بنا كلام ومشاعر بس.. انا مخنتش فريده فى البدايه احمد كان دايما يتصل بيا يسال عليه والموضوع اتطور بعد كده لوحده بقيت بستنى مكالمته بفارغ الصبر وعايزه اسمع صوته بس كنت بتحجج باى حاجه علشان اخبط على فريده والمحه هو كمان كان اول ما يسمع صوتى كان يسيب اللى فى ايده علشان يشوفى ويكلمنى
انا عارفه انى غلطانه بس قلبى مش بايدى بس لازم اصلح الغلط ده انا لازم اطلب الطلاق من خالد انت عارفه كويس اننا مش متفهمين من زمان وفى مشاكل كتير بنا وكان لازم هيجى اليوم اللى هطلب فيه الطلاق سواء بوجود احمد او بعدم وجوده
.....سبتها تكمل كلامها كله وانا بصالها فى زهول ومش عارفه اتصرف معاها ازاى وبعد ما خلصت كلامها .....
قولتلها انت ازاى تعملى كده انت هتتسببى فى خراب بيتين بيتك وبيت اعز اصحابك انت مفكرتيش فى بناتك وجوزك لو عرف المصيبه دى وموقف فريده منك ومن احمد انت عقلك كان فين
قالتلى انا مفكرتش فى حاجه خالص ......
قولتها طب ولو خالد طلقك .....احمد هيتجوزك ويسيب فريده علشانك قالتلى و الدموع فى عنيها معرفش معرفش انا فى حيره انا هتجنن
قولتلها ربنا يهديكى يا ندا ........
وبعد كده بقيت انا كمان محتاره اعمل ايه بعد ماعرفت اان اللى بتحبه ندا يبقا احمد جوز فريده جارتى وصحبتى اقول لفريده اللى حصل علشان تفوق لنفسها وتعرف اللى بيحصل من وراه ظهرها ولا اسكت ..... بس لو قلتلها هتكون نهايه صدقتها مع ندا ويمكن تطلب الطلاق من احمد و البيت يتخرب انا فى حيره ولازم الاقى حل للمشكله دى حل يفوق فريده ويفوق ندا كمان ساعدنى يارب .........
.مرت فتره وانا ساكته ومش عارفه اتصرف حولت كتير اعقل ندا واخليها ترجع عن الطريق اللى هى ماشيه فيه وافهمها ان احمد بيحب فريده وروحه فى بناته ومش ممكن يتخلها عنهم علشانك وهتطلعى انتى الخسرانه فى الاخر يا ندا هتخسرى بيتك وجوزك واعز اصحابك ...
لكن ندا كانت مغيبه مش شايفه اى حاجه غير احمد ومصدقاه ومقتنعه انه بيحبها وممكن يعمل اى حاجه علشانها وكانت السكينه سرقاها ........
وفضلت محتاره ومش عارفه اتصرف لحد ما جيه اليوم اللى خلانى اخد موقف.....
............
تعليقات
إرسال تعليق
اهلا بكم ونرجو ان نكون قد حوزنا على اعجابكم