انا زينب عندى ٣٥ سنه بعد ما خلصت دراستى اعدت فى البيت مع ماما واخواتى البنات وزى ما بيقولوا كده مستنين العدل ...ماهى ماما مش بتتكلم غير فى الموضوع ده ...دايما تقولنا امتى اشوفكم متستتين فى بيوتكم ...امتى اشوف عيالكم ...امتى افرح بيكم ...
لغايت ما خليتنا مش بنفكر فى اى حاجه غير العريس والجواز والعيال ...كان اكبر همنا وحلمنا
بس فهمت متاخر اوى ...ان ده تفكير عقيم وغلط اننا نربى بناتنا على ان الجواز هو هدفهم فى الحياه وهو شغلهم الشاغل ..
طبعا من كتر كلام امى انا كنت خايفه ابقا زى اخواتى البنات اللى اكبر منى ...خايفه يتقال عليه ..عانس ...علشان كده كنت بدور على اى فرصه جواز ...اى فرصه وخلاص تخلينى اهرب من اللقب ده لقب عانس ...وطبعا كانت فرصتى ضعيفه علشان انا واخواتى مش بنشتغل ومش بنخرج من البيت وعلاقتنا بالناس فى حدود ضيقه جدا
لحد ما جه اليوم اللى غير حياتى كلها .......
كنت اعده ماسكه تليفونى وبسلى نفسى على الفيس ...لقيت طلب صداقه ...اسمه مازن ومن صورته واضح انه شاب وسيم جدا وكاتب انه بيشتغل فى بلد عربى ....قبلت طلب الصداقه ..وبصراحه حطيت عينى عليه ...
بعتلى بعدها رساله بيشكرنى على قبول الصداقه
رديت عليه ....ودخلنى فى مواضيع واتعرفنا
كان عنده ٤١ سنه لقيته مناسب جدا ..وقالى انه مهندس ..بصراحه اتمنيت من ربنا انه يجعله من نصيبى .....
وللاسف ربنا استجاب دعوتى .....
لان اللى حصل لى بسببه مكنتش اتوقعه ...
وهنا خلص الجزء الاول .
...Romy mody
تعليقات
إرسال تعليق
اهلا بكم ونرجو ان نكون قد حوزنا على اعجابكم