حكاااايات ستات 5

.
الجزء الخامس والاخير 

. فى يوم حصلت مشكله كبيره اوى بين ندا وخالد جوزها ويومها خالد قال لندى انا هسيب لك البيت ومش هتشوفى وشى تانى بس هاخد بناتى معايا ومش هتشوفيهم تانى عمرك وفعلا اخد البنات بالقوه من ندا وسابها منهاره من العياط  وفى اليوم ده فريده هى اللى وقفت جانبها تواسيها وتقلها متخافيش يا ندا احنا جانبك ومش هنسيب خالد يزعلك وبناتك هترجعلك حسيت يومها انى بشفق على حال فريده اكتر من ندا وقررت لازم افوقها قبل ما بيتها يتخرب هى كمان بس اقنعت نفسى ان

يمكن ندا تعقل بعد ما بناتها بعدو عنها ولكن ظنى طلع مش فى محله وفضلت ندا تستغل غياب فريده عن البيت علشان تشوف احمد فقررت اخرج عن صمتى وفكرت فى حل يفوق فريده ويفوق ندا كمان وربنا هدانى للفكره دى .. اتصلت بفريده من نمره غريبه وغيرت صوتى وقولتلها انا واحده انتى متعرفهاش بس قريب هبقا ضرتك هى طبعا استغربت من كلامى وكانت هتقفل التليفون بس انا قولتلها انا بتكلم بجد انا بدخل شقتك فى غيابك وعارفه كل ركن فيها وعندى امارات كتير تثبت كلامى وقولتلها كام اماره محدش يعرفهم غيرها وبس وطبعا كانت قالتلى عليهم ندا ..كانت فريده هتتجنن بعدها وعايزه تعرف انا مين وطبعا قفلت التليفون وشلت الخط ...وبعد المكالمه دى فريده رجعت بيتها و مسبتش بيتها تانى ابدا وهى هتتجنن مين اللى بيدخل بيتها فى غيابها  ودى كانت اول خطوه انها تفوق لنفسها وتاخد بالها من جوزها


طبعا فريده حكيت لاحمد عن المكالمه ووجهته هو اتفاجا جدا بالكلام ده وظهر عليه التوتر وحاول يقنع فريده ان دى ناس فاضيه وبتاعت مقالب لكن فريده مقتنعتش بكلامه و بدات تركز مع احمد ومع تصرفاته علشان كده بدا احمد ياخد باله من تصرفاته اوى  وبدا يتجنب ندا تماما صحيح احمد كان دايما بيشتكى لندا من فريده بس وقت الجد هيختار بيته ومراته ومستحيل هيخرب بيته بدات ندا تحس ان احمد بيبعد عنها وهى اللى طلعت عبيطه لما اتسرعت وخربت بيتها علشانه وبعدت عن بناتها ولما حست بالوحده بدات تفوق هى كمان ورجعت لجوزها وعرفت قمته ..............................