بعدها بشويه سمعت الباب بيخبط ولما جوزها فتح الباب ...
سمعت صوت اتنين رجاله ...
فسالتها مين اللى بره ...قالتلى دول قرايب مجدى ....كنت قلقانه ومتوتره بس مكنتش فاهمه ايه اللى بيحصل وايه اللى هما مخططينه ليه ...بس الحمد لله ربنا نور بصرتى وفهمت بالصدفه نيتهم قبل فوات الاوان
خرجت رغده من الاوضه وراحت المطبخ تعمل شاى وسابتنى فى الاوضه لوحدى
فخرجت بعدها علشان ادخل الحمام وفى طريقى للحمام ...سمعت مجدى و رغده ....وهما فى المطبخ ...وكان بيقولها ...حطيلها حبيتين فى الشاى شكلها دماغها تقيله...وكانوا بيضحكوا ...
انا اتسمرت مكانى لما سمعت كده ورجعت على الاوضه بسرعه من غير مايخدوا بالهم
وكنت مرعوبه
ولما رغده دخلت وكانت شايله صنيه الشاى
حاولت ادارى قلقى وخوفى ...وبدات الاحظ كل تصرفاتها ...
وطبعا قررت انى مش هشرب الشاى ...بس لما مديت ايدى على كوبايه من الاتنين ..قالتلى لا لا مش دى خدى التانيه ...وضحكت وقالتلى اصل انا بحب اشرب فى الكوبايه دى ...
اخدت الكوبايه فى ايدى بس مشربتش ..لاحظت انها مركزه معايا اوى ومع كوبايه الشاى ..وكررت كتير اشربى ..اشربى ...
ايقنت انى فى مصيبه .....
فكرت وقولت لازم اتصرف .
طلبت منها ادخل الحمام .... ولما دخلت ..بعت رساله لماما وقولتلها تبلغ البوليس .
..وكتبت لها العنوان ....وحاولت اتاخر فى الحمام واكسب وقت ...
لغايت ما البوليس وصل والحمد لله ربنا نجدنى من كارثه كانت هتحصلى لانهم طلعوا شبكه وبتستقطب البنات بطرق حديثه وانا كنت منهم وكانت بتستعمل الصور اللى صورتهالى فى عرضها على زبائنهم وكانت رغد ومجدى متزوجين عرفى
ومتفقين مسبقا على استقطاب البنات باشكال متعدده ...وتم القبض عليهم والتحقيق معهم
تعليقات
إرسال تعليق
اهلا بكم ونرجو ان نكون قد حوزنا على اعجابكم