بدات استعد للسفر مع مازن . بعد ما كتبنا الكتاب .هو صحيح استعجاله كان قلقنى بس مكنتش عايزه افسد فرحتى ...
وجه يوم السفر ...ودعت ماما واخواتى وسفرت مع مازن ....علشان ابدأ حياه جديده
الحياه اللى عشت عمرى كله ...بتمنى انى اوصلها
حياتى مع مازن اللى مادمتش غير اسبوع .......اسبوع بالظبط ...كان اجمل اسبوع فى حياتى ...
هو صحيح انا اتفأجأت لما اخدنى مدينه تانيه وعنوان تانى غير اللى قاله لماما ..بس عادى مش فارقه ....وطبعا سألته عن مامته واننا لازم نروحلها زياره ...ضحك وقالى( طبعا طبعا ...اكيد بس بعد اسبوع ...).
لغايت اليوم اللى قلب حياتى كلها ...وفهمت فيه الحقيقه ...
كنت نايمه بليل وبعدين قلقت ملقتش مازن جانبى ....قومت اشوفه ...لقيته واقف فى الضلمه وبيتكلم فى التليفون بصوت واطى ...حولت اسمع بيقول ايه وبيكلم مين ....
ويارتنى ما سمعت ....
وقفت وراه وهو مشفنيش علشان الدنيا كانت ضلمه ...
و سمعته بيكلم حد وبيقوله ....بس انا حبتها بلاش المره دى ....وسمعت صوت اللى بيكلمه كان متعصب وصوته عالى ...وبيقول لمازن ...( لا ده شغل مش لعب عيال يعنى هى احسن من اللى كانوا قبلها ...انت تحطلها المخدر فى العصير زى كل مره عايزين نخلص ...وتسلمنى الجته بكره ..انت مش عايز تقبض ولا ايه ...)
ومازن طبعا رد عليه وقاله ... (حاضر بكره طلبك هيكون جاهز ..).
انا حسيت انى اتشليت بعد ما سمعت الكلام ده واتمنيت انه يطلع حلم ...بس للاسف كان حقيقه ...رجعت سريرى بسرعه من غير ما ياخد باله وانا مرعوبه وبرتعش ومش عارفه افكر ....هتصرف ازاى ...ده عايز يموتنى دول اكيد تجار اعضاء بشريه .....
استنيت لما دخل نام ...وفى نص الليل اتسحبت واخدت الباسبور بتاعى ومبلغ كان شايله فى الدرج واخدت مفاتيح الشقه من جيبه ...وخرجت وقفلت عليه الباب ...وجريت فى الشارع وانا مش شايفه قدامى و مش عارفه اروح فين ولا اعمل ايه ..وفضلت اجرى ..لغايت لما لقت سياره اجره ...ركبت وقالتله ارجوك وصلنى المطار بسرعه
...زينب خافت تروح القسم تبلغ عنه علشان مش معاها اى دليل ضده وخافت يرجعوها البيت عنده تانى .
ولما وصلت المطار ...حولت تحجز لمصر فى اقرب وقت ولكن كانت اول طياره بعد ٤ ساعات ...وافقت واعدت فى المطار ٤ ساعات مرعوبه ..وخايفه انه يكتشف غيابها ويلحقها ....بس ربنا نجدها من ايده وقدرت ترجع بلدها بالسلامة ...بعد ما اتعلمت درس قاسى جدا ............
تعليقات
إرسال تعليق
اهلا بكم ونرجو ان نكون قد حوزنا على اعجابكم