الجزء التانى ...
تانى يوم اول ما صحيت وقبل ما افتح عنيه .....ناديت على ماما .....بس محدش رد عليه يا دادا ..محدش بيرد ......ايه ده هو فى ايه ..انا مش متعوده على كده ...
ولما فتحت عنيه ....كانت المفاجأه......
..انا فين ...دى مش اوضتى .
....دى حجره حقيره جدا ...وايه اللبس اللى انا لبساه ده دى هدوم قديمه اوى ..
قومت بسرعه من السرير.....وجريت على الباب وفتحته لقيت ناس غريبه ست كبيره وراجل واضح انه جوزها وعيال كتير
قولتلهم.... انتم مين ....وايه اللى جابنى هنا .. ..انتم خطفتونى ...
بصولى فى ذهول ...وردت عليه الست وقالتلى .... مالك يا ميرنا يا حبيبتى
قولتلها انتى مين وايه اللى جابنى هنا انا هوديكم فى داهيه ...عايزه ارجع عند ماما ...
ضحكوا وبصولى باستغراب اوى ....وقالتلى .انا ماما .يا حبيبتى ......وده بيتك ...مالك بس
قولتلها انتم مجانين ...انا عايزه اخرج من هنا دلوقتى حالا انا لازم انزل من المكان الغريب ده ..قولتلها فين الفستان اللى كنت لابساه امبارح ..قالتلى ..فى الدولاب يا ميرنا ...جريت على الدولاب وفتحته ...لاقيت هدوم قديمه ...دى مش هدومى ... ...
كنت هتجنن ..لبست اى حاجه ونزلت علشان ارجع بيتا عند ماما ..الغريبه ان الست دى فضلت واقفه مذهوله وما منعتنيش من النزول .
...نزلت اجرى ....واقفت تاكسى علشان يوصلنى ...ماانا مش عارفه انا فين اصلا ...وحطيت ايدى فى جيبى ملقتش غير شويه فكة ....قولتله عنوان الكمبوند بتاعنا ....السواق بصلى باستحقار وقالى بس العنوان ده بعيد جدااا انت معاكى فلوس للاجره ........قولتله سوق وانت ساكت ...وكنت متلغبطه ومش فاهمه ايه اللى بيحصل ...انا اول مره حد يعاملنى كده .....كان العنوان بعيد اوى عن المكان اللى كنت فيه ...
ولما وصلنا ....كانت الصدمه ...........
تعليقات
إرسال تعليق
اهلا بكم ونرجو ان نكون قد حوزنا على اعجابكم