قصه واقعيه ......
.. انا سمر عندى ٢٢سنه بدرس فى الجامعة عندى اصحاب كتير وكانت اقرب صديقه ليه هى مروه وكنا دايما نقضى الوقت مع بعض ياما هى عندى فى البيت او انا عندها فى بيتها ..
وفى مره روحت زياره عند مروه كالعاده ...بس هى كان عندها ضيوف ...كانت عندها رغده بنت خالتها
كان اول مره اشوف فيها رغده
اتعرفت عليها .كان عندها ٢٣ سنه ومتزوجه من مهندس كمبيوتر .....كانت رغده عشريه وحبوبه جدا اتصحبت عليه بسرعه واخدنا ارقام تليفونات بعض وبقيت بتكلمنى كل يوم
وكانت بتيجى تزورنى وتقضى معايا وقت كتير .وكانت بتقولى متقوليش لمروه انى بزورك كتير من غيرها علشان متزعلش .
وانا .سمعت كلامها طبعا ...
..وفى مره كانت عندى و زى كل البنات بيحبوا يتصورا وصورتنى كام صوره بهدوم البيت ......
بعدها بدات رغده تتصرف تصرفات غريبه بدأت تكلمنى على مجدى جوزها كتير اوى ........
شويه تقولى انه طيب اوى وكريم وشويه تقولى ده عينه زيغه ومغلبنى ...لدرجه انها قالتلى هو ببحب ايه وبيكره ايه ....
وانا كنت بقول عادى اهى فضفضه بنات
وفى يوم قالتلى ممكن اتصل بجوزى من تليفونك علشان مش معايا رصيد ..قولتلها اتفضلى ...ولما اتصلت به اعدت تكلمه عنى
وبعدين قالتلى خدى عايز يكلمك ....استغربت انها بتدينى اكلم جوزها وانا معرفهوش اصلا ...بس اخد التليفون وكلمته ...و كان الكلام عادى جدا
بس اللى حصل بعد كده كان مفاجأه ...
وهنا خلص الجزء الاول ....استنونى مع الجزء التانى ...
تعليقات
إرسال تعليق
اهلا بكم ونرجو ان نكون قد حوزنا على اعجابكم