صحيت على صوت ماما حبيبتى زى كل يوم ...بس انهرده مش زى كل يوم انهرده عيد ميلادى كملت ١٨ سنه ... وكانت بتقولى... (صباح الخير يا اجمل ميرنا يا دلوعه ماما كل سنه وانت طيبه..)
فتحت عنيه ...على الفستان الجديد اللى ماما جبتهولى علشان البسه انهرده فى الحفلة
والداده قالتلى كل شئ جاهز زى ما طلبتى بالظبط و حديقه الفيلا جاهزه للحفله ....
معكرش مزاجى غير بابا علشان مش راضى يجبلى عربيه لغايت دلوقتى ..وكل مكان بحب اروحه بيخلى السواق بتاعه هو اللى يوصلنى .. بابا متحكم ومسيطر بس خلاص انا تميت ١٨ سنه يعنى ممكن اسافر بعد كده فى اى مكان من غير ما يدخل فى قراراتى ....
لكن ماما حبيبتى حاجه تانيه هى اللى بتحققلى كل ما بتمناه
طبعا عزمت كل اصحابى نانسى ولولا وهانيه وفادى وهيثم ووليد وغيرهم كتير اصحابى من النادى ...
صحيح بابا مش بيحبهم وبيقول عليهم فاسدين وطايشين بس انا بحبهم ...
كل اصحابى حوليه كنت جميله اوى وكان فستانى اجمل فستان وكانت كل الانظار عليه وكنت فرحانه اوى بالهدايا اللى جاتلى من اغلى الماركات ...وعدى اليوم وسهرنا لحد الفجر ومحسناش بالوقت ومن التعب نمت بفستانى ...
تانى يوم اول ما صحيت وقبل ما افتح عنيه .....ناديت على ماما .....بس محدش رد عليه يا دادا ..محدش بيرد ......ايه ده هو فى ايه ..انا مش متعوده على كده ...
ولما فتحت عنيه ....كانت المفاجأه ....
وهنا خلص الجزء الاول ..استنونى مع الجزء التانى
تعليقات
إرسال تعليق
اهلا بكم ونرجو ان نكون قد حوزنا على اعجابكم