بيت العيله 1

  

انا زينب عندى ١٦ سنه من الريف عايشه مع اهلى فى قرية صغيرة .......كنت شاطرة اوى فى الدراسة وكان نفسى ادخل الجامعة  بس للاسف بعد ما خدت الثانويه ابويه قالى ...( تعليم اى وهباب ايه البنت ملهاش غير الجواز ).. وفعلا اعدت فى البيت لغايت مااتقدملى حسان  جارنا  من اهل القريه ....واخدنى فى بيت العيله ..

حسان اكبر منى ب سبع سنين بيشتغل فى الارض هو واخواته  سليم وحسين ...ام حسان فى الدور الاول  وعندها  بنتجمع  كلنا  على الاكل ..كل يوم ... وحسين ومراته فى الدور التانى وسليم ومراته فى الدور التالت وانا وحسان الدور الرابع ..

العيشه فى بيت العيله صعبه بكل المقايس وكلها عيوب اقل عيب فيها ان كل اسرار بيتك  العيله كلها تعرفها .. ده غير تحكم حماتى فينا واوامرها وطلباتها اللى مبتخلص ..بس ياريت على كده وبس ....بعد كام شهر بدأت حماتى تطالبنى انى احمل وانجب    وتقولى فى الرايحه وفى الجايه ... انا عايزه اشوف عيال حسان قبل ما اموت وعياله يملو علينا البيت زى عيال سليم وحسين ...وكل يوم تقولى مرات حسين حامل وعندها خمس عيال ...مرات سليم خلفت وجابت ولد ...وبقوا سليفى يبصولى ويتغمزو ويتلمزوا عليه  كل ما يشوفونى  واسمع تلميحاتهم وضحكهم عليه  وكنت اسكت ..واستحمل 

واقولهم ( دى حاجه بتاعت ربنا واحنا لسه مبقالناش كام شهر .متجوزين ..)

كانت حماتى  تقولى   ( احنا معندناش الكلام ده احنا فلاحين وبنحب العزوه )

كنت بستغرب تفكيرهم اوى العزوه فى طفل او طفلين تربيهم كويس ولا فى ست سبع  عيال بتتلغبط فى اسميهم ومش قادر على مصاريفهم ويطلعوا جهله مش متعلمين  

فضلت مستحمله لغايت ما حصل اللى معملتش حسابه 
كنت اعده فى شقتى وقت القيلوله  لوحدى وحسان كان فى الارض  ..ولقيت الباب بيخبط 
قومت فتحت ...لقيت قدامى ....

وهنا الجزء الاول خلص استنونى مع الجزء التانى