الجزء التانى .......
بعد ما والدى رفض سمير ...اتصرفت تصرف مكنتش اتخيل ابدا انى اعمله فى يوم من الايام ..لكن كان قلبى هو اللى بيتحكم فيه ...فقررت انى اهرب مع سمير ونتجوز ..ومفكرتش فى حاجه تانيه غير انى ابقا معاه وبس ....
بعترف انى كنت طايشه وصغيره ...وغلط غلطه عمرى ....وعلى فكره ..سمير هو اللى شجعنى على الهرب ...وكانت فكرته اصلا .......ده كلمنى وقالى ....انا هموت نفسى لو بعتى عنى ...او هرمى نفسى تحت القطار لو مجوزتكيش ....وكان بيعيط ومنهار وهو اللى عرض عليه فكره الهرب ....
وانا كنت مش شايفه غيره ....ووافقت ...وهربت معاه ...
وكانت الصدمه ....
بعد ماهربت مع سمير وكتبنا الكتاب .......وكان الماذون معرفه سمير ....
بعدها اخدنى سمير عند بيت اهله فى ضواحى البلد ...مش قادره اقولكم ...حته عشوائيه ...فى منزل فقير جدااا ....الصدمه مش فى كده ..لان الفقر مش عيب ....
اهل سمير كانوا ناس غريبه اوى ...فى شكلهم ولبسهم وعددهم ...كان اخواته كتير جدا ....
بس رحبوا بيا اوى وكانوا فرحانين جدا .....
وكانوا مجهزين لى انا وسمير ..غرفه متواضعه ...واتجوزنا ...
وكانت الكارثه ..فى الصباحيه ....لاقيت امه داخله تصحينى وتقولى ....يلا يا ختى علشان تنزلى تشوفى اكل عيشك .....
انا اتصدمت من الاسلوب والكلام ...وقولتلها شغل ايه ده ...هو سمير فين
قالتلى سمير مين يا حبيبتى ...اسمه شحاته .....
وشدتنى من ايدى ..وكان معاها لبس مقطع وقديم....وقالتلى ..خدى البسى الهدوم دى ..علشان هدومك دى متنفعش فى شغلنا ....قولتلها ليه ..هو انا هشتغل ايه !!!! قالتلى... زى ما كلنا بنشتغل ...بنطلع على باب الله كل يوم نشحت ....وانت من انهرده بقيتى مننا ولازم تطلعى تشحتى علشان تجيبى لقمتك ....
وكانت المفاجاه .....
وهنا خلص الجزء التاتى انتظرونى مع الجزء التالت
تعليقات
إرسال تعليق
اهلا بكم ونرجو ان نكون قد حوزنا على اعجابكم